Power Up Yourself
探熱認真啲 - 幾多度先算發燒？
疫情影響之下，我哋必須時刻做好防疫措施。探熱係其中一個基本步驟。只不過，大家又記唔記得幾多度先算發燒？
其實唔同嘅探熱器，係量度緊身體唔同部位嘅溫度，所以發燒標準都有些少唔同㗎。
口探：攝氏37.5度以上
肛探：攝氏38度以上
腋探：攝氏37.3度以上
耳探：攝氏38度以上
至於大部分人會用嘅紅外線額探溫度計，由於額探呢個方法本身誤差比較大，加上牌子比較多，建議大家睇返說明書指引。喺呢度亦要提提大家，唔好唔記得定時幫各類探熱儀器消毒同埋換電池呀。
Power Up Yourself
電子血壓計 - 應該幾時量血壓？
疫情肆虐期間，不妨多啲關注身邊人嘅身體狀況。其實唔少長期病患者或者老人家都有需要恆常量度血壓，呢排留喺屋企嘅你，又知唔知應該幾時量血壓呢？
- 啱啱起身或者瞓覺之前嘅血壓比較具有參考價值
- 避免喺運動後、進食後、沖涼後量度
- 建議每日於同一時間量度血壓
除此之外，量血壓時要保持放鬆，唔好講嘢住，亦要確保手臂承托嘅位置同心臟係同一水平。記住喇，正確量血壓，唔使嚇一嚇！
Power Up Your Kids
停課不停學 - 網上STEM教育頻道推薦
小朋友就嚟要復課，抗疫期間有冇乖乖地保持學習進度先？
以下推薦幾個YouTube上面嘅STEM學習頻道，家長同小朋友都可以一齊邊玩邊學！
What Do We Do All Day?
創意諗法，引爆小朋友好奇心！
LAB 360
動手做實驗，一邊玩一邊學習。
趣脆學
粵語YouTube頻道，示範唔同STEM實驗流程。
自己落手做實驗，係好有效嘅學習方法嚟㗎實驗材料要準備齊全，又點少得大大小小嘅電池呢？！而且所需材料（例如：電池）都係日常用品，喺屋企都好易搵到㗎！ 希望各位小朋友喺屋企都可以停課不停學啦！
實驗材料要準備齊全，又點少得大大小小嘅電池呢？
電子玩具專用電池
Power Up Your Kids
玩家要注意 - 電腦硬件消毒攻略
肺炎病毒真係唔講得笑，唯有日日留喺屋企，隔住個屏幕同班戰友聚會吹水！留意返，就算從來無離開過屋企嘅遊戲鍵盤同滑鼠，始終都係日日夜夜用唔停，唔可以掉以輕心！
清潔消毒小貼士：
- 做所有步驟之前，記得！一定！要將鍵盤電源切斷先！
- 如果好耐無清理，建議將每粒制都拆出嚟，徹底清潔
- 先清理灰塵，再用消毒酒精抹勻鍵盤同每粒制
- 風乾後重新裝嵌
不過留意喇，近期好熱門嘅Swxxxh，官方建議唔好用高濃度酒精消毒，以免損耗表面材質。點都好，識得玩，一定係乾乾淨淨咁玩！
高輸出嘅電池，最適合對遊戲配備有要求嘅玩家!
Power Up Your Home
自己做師傅 - DIY維修注意事項
近排屋企嘅家電呀、電器呀，好似容易壞咗，唔知係咪留喺屋企太耐，損耗多咗。不過，小小問題又唔想麻煩師傅上門（其實重點係謝絕到訪），咁唯有自己落手啦！不過都有啲好基本嘅注意事項喎！
- 修理前切斷電源
有說明書或者網上教學，你可能會勇敢拆開電器維修。不過所有步驟開始之前，記得！要切斷電源先至安全！
- 先清潔後修理
家電出現故障，部分原因可能只係鏽蝕、潤滑問題，或者受到灰塵、水分影響。清理咗先，可能就已經搞掂！
更換電池
唔好笑呀！唔少人真係將問題諗得太複雜，搞完一大輪先發現其實係冇電！所以遇上故障，首先換電試試先！
